ضلع اپر چترال میں سیلاب نے تباہی مچادی۔ یارخون کا رابطہ مکمل طور پر ٹوٹ گیا۔ شندور، لاسپور، سور لاسپور وغیرہ میں راستے بند۔
رپورٹ گل حماد فاروقی
شاہی داس ایمرجنسی پل اس کو زمین دوز کر دیا گیا۔ چتو غونی نالہ جو پیر کے گھر کے پاس ہے اسے عام طور پر پیر نالہ کہتے ہیں اس نالے میں بھی شدید طغیانی ہے۔ سیلاب کا پانی اتنی تیزی سے بہہ رہا ھے کہ اس نالے کو سو فٹ گہرا کردیا۔ گشت کی جانب سے بھِی سیلاب ارہا ہے۔ ہرچین والے پل کو بھی نقصان پہنچا ہے۔
دولت حسین نامی ایک سماجی کارکن نے ہمارے نمایندے سے فون پر بات کرتے ہوئے بتایا کہ اس علاقے میں بلڈوزر ویسے کھڑی ہے کام نہیں کرتی۔ چاروں نالوں میں سیلاب نے تباہی مچادی ہے۔
انہوں ںے نے مزید بتایا کہ شندور پولو تہوار کیلیے جو صوبائی محکمہ سیاحت نے کروڑوں روپے کا فنڈ دیا تھا اس میں سے چترال سکاوٹس نے شائداس نالے میں ایک عارضی لوہے کا پل لگایا تھا جو سیلاب کی وجہ زمین دوس ہوگیا ھے۔ دولت حسین کے مطابق اس وقت ان نالوں میں سیلاب کی وجہ سے علاقے کو شید خطرہ لاحق ہے۔
انہوں نے کہا کہ شائداس پل مکمل طور پر زمین دوس ہوگیا اور اب اس کی وجہ سے ضلع اپر چترال کے ہزاروں لوگوں کا زمینی رابطہ منقطع ہوچکا ہے لوگ پہاڑوں کے اوپر سے سفر کرنے پر مجبور ھیں۔ اگر صورت حال یہ رہی تو یہاں کے لوگ بھوک و پیاس اور فاقہ کشی کا بھِی شکار ہوسکتے ہیں۔