Chitral Today
Latest Updates and Breaking News

والنٹیرز نے یارخون روڈ کی مرمت پھر شروع کردی

ایس شہاب الدین

 دسمبر13 قریب اتے ہی اسماعیلی والنٹیرز بانگ کونسل نے سڑکوں کی صفائی، ستھرائی کا اغاز کیا۔ بڑوں کو دیکھ کر بچوں کے جذبات بھی دیدنی ہے۔

رضا کار خدمتگاران نے 13 دسمبر کو اسماعیلی مسلم کمیونٹی کے روحانی پیشوا اور حاضر امام ہزہائنس پرنس کریم آغا خان کی سالگرہ کے تقریبات کی خوشی میں انسانیت کی خدمت کو اولین ترجیح دیتے ہیں۔

ایک نویں کلاس کے طالب علم نے بتایا کہ وہ اور اسکے خاندان کرونا وائرس کے نئے لہر کی وجہ سے حکومتی احکامات کو مد نظر رکھ کر سالگرہ کی تقریب پر پابندی کی وجہ سے سڑکوں کی مرمت میں دلچسپی سے حصہ لے رہے ہیں۔ ان کے مطابق انسانیت کی خدمت اپنے ایریاز میں خراب سڑکوں کی مرمت بہتری صفائی ستھرائی سے  مسافروں اور بیماروں کی تکلیف میں کمی آسکتی ہے۔

شیر علی ایک ریٹائرڈ فوجی ہے، ان کے مطابق ایک باعزت ،پر امن شہری اور حب الوطنی کے لئے یہ جذبہ ضروری ہے کہ اپنے حصے کا دیا جلایا جائے جس سے نہ صرف دنیاوی خوشی حاصل ہوتی ہے بلکہ دونوں جہانوں میں کامیابی کی ضمانت ہے۔

پیار علی اکنامک پلاننگ بورڈ کے چئر پرسن ہیں، اپنے گاؤن کے والنٹیرز کے ساتھ بہت لگن سے سڑکوں پر ہوتا ہے۔محمد ولی اسماعیلی کونسل بانگ کے پریذیڈنٹ نے اپنے ایک بیان میں تمام والنٹیئرز کو حراج تحسین اور سلام پیش کرتے ہوئے کہا کہ وہ اپنے کونسل کے والنٹیرز کے بے لوث خدمت پر فخر کرتے ہیں۔ دوران صفائی مختلف مقامات پر نالوں اور کھڈوں کی بھرائی، آبی گذرگاہوں پر عارضی پل  اور سکول کے بچوں کے راستوں سے برف ہٹا کر مٹی ڈال دئے گئے۔

اس کارخیر کو دیکھ کر یارخون ڈرائیور یونین کے نائب صدر سعید اکبر اور دوسروں نوجوانوں رضا کاروں کا شکریہ ادا کیا۔

You might also like
1 Comment
  1. Sher Wali Khan Aseer says

    ولنٹئیر خدمات اسمعیلی مسلمانوں کی میراث ہے

Leave a comment

error: Content is protected!!