سیکرٹری صحت کی جانب سے ڈیوٹی سے غیر حاضر 17 ڈاکٹروں کو سروس سے برخاست کرنے کیلئے چیف سیکرٹری کو سمری ارسال
سیکرٹری صحت محمود اسلم خان نے دوران ڈیوٹی غیر حاضر سترہ ڈاکٹرز کو سروس سے برخاست کرنے کیلئے چیف سیکرٹری کو سمری ارسال کردی ہے۔ سمری میں لکھا گیا ہے کہ ڈائریکٹر جنرل ہیلتھ سروسز نے گریڈ سترہ کے میڈیکل افسران کی ڈیوٹی سے مسلسل غیر حاضری کی رپورٹ بھیجی ہے۔
سمری میں لکھا گیا ہے کہ متعلقہ افسران کو وارننگ نوٹسز ان کے رجسٹرڈ پتہ پر ارسال بھی کی گئی ہیں لیکن ان میں کسی نے بھی ڈیوٹی پر حاضری نہیں دی۔
سمری کے مطابق حاضری کیلئے فائنل نوٹسز دو قومی اخبارات میں شائع بھی ہوچکے ہیں جس کے بعد بھی ان افسران میں کسی نے اپنی حاضری یقینی نہیں بنائی۔
سمری میں چیف سیکرٹری کو ای اینڈ رولز کے رول 9 کے تحت ڈیوٹی سے مسلسل غیر حاضر رہنے پر 17 میڈیکل افسران کو ڈیوٹی سے برخاست کرنے کی سفارش کی گئی ہے۔