دروش میں جشن نوجوان فٹ بال ٹورنامنٹ اختتام پزیر

دروش ( جہانزیب سے ) دروش نوجوان ویلفئیر اینڈ ڈویلپمنٹ سوسائٹی کے زیر اہتمام ہونے والا 19 واں جشن نوجوان فٹ بال فائنل میچ بروز اتوار بمقام مراد اسٹیڈیم دروش میں کھیلا گیا جس میں چترال بھر سے ٹیموں نے حصہ لیا۔فائنل میچ کورو دروش بمقابلہ ڈنگریکاندہ چترال کھیلا گیا۔میچ کے پہلے ہاف برابر رہا اور دوسرے ہاف میں ڈنگریکاندہ چترال نے فاتح اسکور کر لی۔ جس کے مقابلے میں کورو فٹ بال ٹیم دروش اسکور کرنے میں ناکام رہے اور اسی طرح ڈنگریکاندہ فٹ بال ٹیم نے ٹرافی اپنے نام کر لی۔اس ٹورنامنٹ کے مہمان خصوصی پاکستان تحریک انصاف کے ضلعی کنوینئر حاجی رحمت غازی تھے۔شائقین فٹ بال سے خطاب کرتے ہوئے مہمان خصوصی نے کہا کہ پاکستان تحریک پاکستان کی واحد جماعت ہے جو کرپشن کے خاتمے اور نظام کے تبدیلی کیلئے کوشاں ہے جب کہ نوجوانوں کیلئے صوبائی حکومت نے سید آباد کے مقام پر ڈھائی کروڑ روپے سے ذائد کی لاگت سے ایک اسٹیڈیم کی منظوری کرائی ہے جب کہ یونیورسٹی آف چترال کیلئے بھی زمین خریدنے اور یونیورسٹی کے تعمیر میں بہت جلد پیش رفت ہوگی۔کیونکہ کے صوبائی حکومت تعلیم کے معیار کو بہتر کرنے میں بھر پور اقدامات اٹھا رہی ہے۔جب کہ ایم پی اے بی بی فوزیہ نے تحصیل ہیڈ کوارٹر ہسپتال دروش کو کٹیگری ڈی میں ترقی دلوا کر 12کڑوڑ روپے بھی منظور کروائے ہیں۔جب کہ جنجریت کوہ میں زنانہ ہائی سکول کی بھی منظوری اور ایون کے مقام پر زنانہ ڈگری کالج کا قیام اس سلسلے کی کڑی ہے۔ آخر میں مہمان خصوصی نے کھلاڑیوں میں انعامات تقسیم کی۔]]>