داد بیداد
ڈاکٹر عنایت اللہ فیضی
جامعہ روحانی بالید گی کے علم و عمل کو عرب میں تصوف اور ایران میں عرفان کہا جاتا ہے اس کا تعلق تزکیہ اور تقویٰ سے ہے آج جامعہ عثمانیہ پشاور کے بانی اور مہتمم مفتی غلام الرحمن صاحب نے اپنے جا معہ کی پبی شاخ میں 34سالہ تعلیمی سفر کی 26ویں دستار بندی تقریب سے خطاب کرتے ہوئے جب قرآن وحدیث کے ساتھ ساتھ مولانا جلال الدین رومی اور علامہ اقبال کے افکار سے حوالے پیش کئے تو اندازہ ہوا کہ علمائے حق کے ہاں علم کا کتنا بلند معیار ہوتا ہے
جامعہ عثمانیہ کی بنیاد 1992میں رکھی گئی مرکزی درس گاہ نوتھیہ پشاور میں ہے طلبہ کی بڑھتی ہوئی تعداد اور مدرسہ کے پھیلتے ہوئے شعبہ جات کو جگہ دینے کے لئے چراٹ روڈ پبی ضلع نوشہرہ میں الگ شاخ قائم کی گئی ہے جہاں شعبہ ہائے حفظ و تجوید قرات، درس نظامی اور تخصص کے ساتھ عصری علوم میں سکول، کالج اور یونیورسٹی کی سطح کے شعبے قائم ہیں علا قے کے آثار قدیمہ کی نمائش کے لئے عجائب گھر بھی قائم کیا گیا ہے یوں جامعہ عثمانیہ کو اسم با مسمّیٰ جامعہ قرار دیا جا سکتاہے اس کے حفظ و قرءت اور درس نظامی کا شعبہ وفاق المدارس کے ساتھ رجسٹرڈ ہے سکول اور کالج کی سطح کے امتحانات پشاور بورڈ سے منسلک ہیں جبکہ یو نیورستی کی سطح کے امتحانات پشاور یونیورسٹی کے ساتھ رجسٹرڈ ہیں وہ وقت بھی دور نہیں جب جامعہ عثمانیہ ڈگری دینے والا ادارہ بنے گا
تازہ ترین دستار بندی میں 294فضلا ء کے نام پکارے گئے ہر ایک کو پگڑی پہنا کران کے سرپردست شفقت رکھا گیااور دعادی گئی جا معہ کے نا ظم تعیلمات مولانا حسین احمد نے مربوط اور مدلل خطاب میں الحاد، ارتداد، شرک خفی، شرک جلی، انکار سنت، انکار حدیث اور انکار ختم نبوت کے فتنوں کو رد کیا فضلاء اور عوام کو ان فتنوں سے خبردار کیا اور ہر فتنے کا پامردی کے ساتھ مقابلہ کرنے کی تلقین کی ان کا خطاب عدالت میں لائق بیرسٹر کے بیان کی طرح مر بوط، مدلل اور جا مع و مختصر تھا جیسے ایک ایک جملہ ناپ تول کر ادا کیا گیا ہو، شیخ الحدیث مفتی غلا م الرحمن صاحب نے بخاری شریف کی آخری حدیث کا درس دیا اللہ پا ک کی وحدانیت اور اللہ تعالیٰ کی پاک صفات کے ذکر پر اپنے خطاب میں تفصیل کے ساتھ روشنی ڈالی، صحاح ستہ میں بخاری کی تصنیف کے محاسن بیان کیے انہوں نے کہا اسلام کی بنیادعقیدہ بھی ہے عقیدت بھی، عقیدہ مسلمان کا پہلا وصف ہے جس کا تعلق اللہ پاک کی ذات اور صفات پر ایمان کے ساتھ خا تم النبین محمد مصطفی ﷺ کی رسالت پر ایمان سے ہے جبکہ عقیدت ایک سچے مسلمان کو علمائے حق کی محبت اور علمائے حق کی سچی پیروی کے ساتھ جوڑتی ہے اسلا م کے دشمنوں کا طریقہ وراردات یہ ہے کہ وہ پہلا وارعقیدت پر کرتے ہیں مسلمانوں کو علمائے حق سے دور کر دیتے ہیں اس کے بعد عقیدہ پر ڈاکہ زنی ان کے لئے آسان ہوتی ہے، جامعہ کے فضلا کو ہر محاذ پر دشمنا ن اسلام کا مقابلہ کر نے کے لئے علم و عمل کا سہارا لینا چاہئیے اور معاشرے میں مثبت انقلاب کا نقیب ہونا چاہئیے
اس تقریب میں پرواک سے تعلق رکھنے والے سید فہد علی شاہ اور چترال کے 5ڈیگر فضلا کو دستار فضیلت سے نواز ا گیا یہ جان کر خوشی ہوئی کہ چترال کے طلبہ کی بڑی تعداد جامعہ عثمانیہ میں زیر تعلیم ہے ورکوپ کے سجاد اللہ اور فیض اباد کے حسنین نے ہمیں مختلف شعبے دکھا ئے اس مو قع پر چترال کے جن دیگر فضلاء کی دستار بندی ہوئی ان میں مو لانا سید مبشر علی شاہ، قاری صہیب احمد، مولانا ایاز احمد،مولانا منیب الرحمن اور مولانا شجاع الدین شامل ہیں یہ جان کر خوشی ہوئی کہ جا معہ کے عجائب گھر میں چترال کی نو ادرات کا الگ گوشی ہے اور عجا ئب گھر کی دیکھ بال بھی چترال سے تعلق رکھنے والے طلبہ کے ہاتھ میں ہے