تجار یونین کا اختتامی اجلاس، عبوری کابینہ تشکیل
چترال (بشیر حسین آزاد) تجار یونین چترال لوئیر کا اختتامی اجلاس زیر صدارت بشیر احمد صدر تجار یونین چترال منعقد ہوا جس میں کابینہ اراکین سمیت کثیر تعداد میں تاجر رہنماٶں نےشرکت کی۔
صدر بشیر احمد نے مشاورت کے بعد باقاعدہ طور پر کابینہ تحلیل کرتے ہوئے عبوری کابینہ تشکیل دینے کا اعلان کیا۔ جس کے مطابق دین محمد ندیم عبوری صدر ،ہارون الرشید نائب صدر ، امجد حسین عبوری جنرل سیکرٹری اور طاہر زمان آحل کو عبوری سیکرٹری اطلاعات منتخب کیا۔
عبوری کابینہ تین ماہ کے اندر انتخابات منعقد کر کے تجار یونین چترال کی تنظیم سازی مکمل کرنے کی ہابند ہوگی۔
اجلاس سے اپنے خطاب میں عبوری صدر دین محمد ندیم نے اس عزم کا اظہار کیا کہ تاجرون کے حقوق کی حفاظت ہر صورت کی جائے گی۔ اجلاس کے آخر میں عبوری کابینہ نے دکاندارون کے حقوق کے تحفظ کا حلف اٹھایا۔