کسٹم اسٹیشن طور خم میں چترالی حولدار کے اعزاز میں الوداعی تقریب

زندگی کا آدھے سے بھی زیادہ حصہ کسی ادارے کے ساتھ منسلک ہو کر بسر  کرنا اور پھر اس ادارے سے قطع تعلقی یقیناً  تکلیف دہ بات ہوتی ہے۔
 اکتوبر15 2022 بروز ہفتہ کسٹم اسٹیشن تور خم  میں چترال مستوج کے خوب صورت گاوں چنار سے تعلق رکھنے والے حوالدار علی مدد خان صاحب کی چالیس سال عرصہ ملازمت سے سبکدوشی کی تقریب منعقد کرائی گئی۔

تقریب میں محترم علی مدد  کی دوران ملازمت  کردار اور ان کے فرض شناسی کے پہلوون کو اجاگر کیا گیا۔ دوران ملازمت ڈیپارٹمنٹ کے اسٹاف نے انھیں نڈر، خوش اخلاق، ہمدرد انسان پایا۔ ہر دشوار راستے میں وہ سب کے یار دوست رہے، انہھون نے کسی کو خود سے کمتر نہیں سمجھا۔

مزید ان کی فرض شناسی کا ذکر کرتے ہوئے بتایا گیا کہ انہوں نے بلا ضرورت کبھی اپنے فرض سے جی نہیں چرایا اور سال میں صرف دو دفعہ عید کے موقع پر ہی چھٹی کی۔ ان کے کردار اور فرض شناسی کے اعزاز میں انھیں شیلڈ اور مختلف تحائف سے نوازا گیا۔

تقریب میں شرکت کرنے والے افسران میں ڈپٹی کلیکٹر، اسسٹنٹ کلیکٹر یاور حیات، سپرنٹنڈنٹ تنویر احمد، صدیق اکبر،  انسپکٹر تحسین اللہ، حاجی ظفر، رمشت طاہر اور دیگر اسٹاف میں محمد فراز، واجد علی، رومان علی،  وسیم اکرم شامل تھے۔